Əsas / Son xəbərlər / F1 / İdman

"Formula-1" pilotlarının söyüşə görə cəzaları azaldıldı

"Formula-1" və Beynəlxalq Avtomobil Federasiyasının (FIA) himayəsi altında digər yarışların pilotları üçün ədəbsiz sözlərə görə cəzalar iki dəfə azaldılıb.

Bu barədə FIA-nın saytı xəbər verir.

Pilotlar üçün söyüş söyməyə görə cərimənin maksimal məbləği 10 min avro (təxminən 19 min manat - red.) əvəzinə beş min avro (təxminən 9500 manat - red.) olacaq.

Stüardların müəyyən növ pozuntulara görə cəzaları tamamilə ləğv etmək imkanı olacaq, bir şərtlə ki, bu, pilot və ya komanda tərəfindən ilk pozuntudur. /Oxu.az