Şəhid Ruslan Şahbazovun xatirəsinə həsr edilmiş filmin təqdimatı olub
|
04-06 10:15
|
3 iyun 2022 ci ildə Tərtər rayonunda Tərtər Mədəniyyət Mərkəzində Vətən müharibəsinin şəhidi Ruslan Şahbazovun xatirəsini əbədiləşdirmək məqsədi ilə "Şəhid ömrü" filminin təqdimatı keçirilib.
Filmin lahiyyə rəhbəri Günel Əliqızı şəhidlərin ruhunu 1 dəqiqəlik sükutla yad edib. Dövlət himni səsləndirilib. Şəhidin atası Mahir Şahbazov filmdə əziyyət cəkən heyətə ailəsi adından minnətdarlığını bildirib.
Filmin rejissoru Yavər Ağayev çıxış edərək bundan sonra da şəhidlərin xatirəsinə bu cür filmlərin çəkiləcəyini vurğulayıb. Şəhid Nicat İsgəndərov, Səid Ədilov, Elməddin Hüseynzadə, Devran Naibov və Asif Abışovun valideynləri dövlətin onlara qayğısından söz açaraq Dəmir yumruq ətrafında olduqlarını bir daha vurğulayıb. Filmin yaradıcılarına uğurlar diləyiblər.
Günel Əliqızı bundan sonra da bu cür layihələrin davamlı olacağını vurğulayıb. Məktəblilər şəhidlərə həsr olunmuş kompazisiyanı səsləndiriblər.