Əsas / Son xəbərlər / İdman / F1

Formula 2: Sprint yarışı başa çatıb - YENİLƏNİB

15:08

Bakıda təşkil olunan Azərbaycan Qran-Prisinin çərçivəsində Formula 2 üzrə sprint yarışı başa çatıb.

Citynews.Az xəbər verir ki, "Hitech TGR" komandasının isveçli pilotu Dino Beqanoviç ən yaxşı nəticəni göstərib.

Xatırladaq ki, ötən gün təşkil olunan birinci sərbəst yürüşdə "Rodin Motorsport" komandasının irlandiyalı pilotu Aleks Dunne, sıralama turunda isə "DAMS Lucas Oil"dən britaniyalı Cek Krauford birinci olub.

Məlumat üçün bildirək ki, bu gün saat 16:00-da isə Formula 1 üzrə sıralama turu keçiriləcək və sürücülərin əsas yarışdakı mövqeləri müəyyənləşəcək.

Qeyd edək ki, Azərbaycan Qran-Prisinə sentyabrın 21-də yekun vurulacaq.

14:58

Citynews.Az xəbər verir, bu dəfə "Campos Racing" komandasından Xosep Maria Marti, "DAMS Lucas Oil"dən Kuş Maini və "Trident"dən Martinius Stenşorn mübarizəni dayandırıb.

Bildirək ki, bundan əvvəl "MP Motorsport" komandasından Oliver Goethe, "Van Amersfoort Racing"dən isə Rafael Villaqomez yarışa davam edə bilməyiblər.

Qeyd edək ki, Azərbaycan Qran-prisi sentyabrın 21-də başa çatacaq.

14:18

Bakıda təşkil olunan Azərbaycan Qran-Prisinin ikinci günündə Formula 2 üzrə sprint yarışı start götürüb.

Citynews.Az xəbər verir ki, yarışda 10 komanda və 20 sürücü iştirak edir.

Qeyd edək ki, Azərbaycan Qran-Prisinə sentyabrın 21-də yekun vurulacaq.

Xəbər yenilənəcək