Əsas / Son xəbərlər / Maraqlı

Süni mayalandırma etdirdilər, uşaqları qara dərili oldu

ABŞ-nin Florida ştatında süni mayalanma yolu ilə valideyn olan bir cütlük gözlənilməz hadisə ilə üzləşib.

Citynews.Az xarici KİV-ə istinadla xəbər verir ki, valideynlərin hər ikisi ağdərili olmasına baxmayaraq, dünyaya gələn körpənin fərqli etnik xüsusiyyətlərə malik olması ailədə ciddi şübhələr yaradıb. Aparılan DNT analizləri isə uşağın cütlüyün bioloji övladı olmadığını üzə çıxarıb.

Araşdırmalar zamanı məlum olub ki, süni mayalanma prosesi zamanı başqa bir pasiyentə aid embrion səhvən bu ailəyə köçürülüb. Valideynlər baş verənləri həyatlarında dərin iz buraxan böyük bir travma kimi qiymətləndiriblər.

Məhkəməyə təqdim edilən iddia ərizəsində cütlük yaşadıqları ağır emosional və psixoloji zərəri vurğulayıb, süni mayalanma mərkəzini isə kobud səhlənkarlıqda ittiham edib.

Hadisə süni mayalanma mərkəzlərində nəzarət mexanizmləri və təhlükəsizlik prosedurlarının yetərli olub-olmaması ilə bağlı müzakirələri yenidən gündəmə gətirib.

Qeyd edək ki, sözügedən iddia ilə bağlı məhkəmə prosesi hazırda davam edir və hələlik yekun qərar verilməyib.

Hüseyn