Əsas / Son xəbərlər / İdman

Misli Premyer Liqasında yeni mövsümün ilk turunun təqvimi açıqlanıb

Misli Premyer Liqasının 2026/27 mövsümünə start verəcək ilk turun oyunlarının keçiriləcəyi tarix və saatlar müəyyənləşib.

Citynews.Az xəbər verir ki, çempionatın açılış turunda ümumilikdə altı qarşılaşma baş tutacaq. Bütün oyunların “CBC Sport” telekanalı vasitəsilə canlı yayımlanacağı bildirilib.

14 avqust, cümə

“Turan Tovuz” – “Qəbələ”
Tovuz şəhər stadionu, 19:30

15 avqust, şənbə

“Araz-Naxçıvan” – “İmişli”
Qəbələ şəhər stadionu, 18:30

“Sabah” – “Kəpəz”
“Bank Respublika Arena”, 20:45

16 avqust, bazar

“Sumqayıt” – “Neftçi”
“SOCAR Polymer Arena”, 19:00

“Zirə” – “Şəfa”
Zirə İdman Kompleksinin stadionu, 21:00

17 avqust, bazar ertəsi

“Qarabağ” – “Şamaxı”
Tofiq Bəhramov adına Respublika stadionu, 19:30

Qeyd olunub ki, Misli Premyer Liqasının 2026/27 mövsümünün ilk turunda keçiriləcək bütün oyunlardan əvvəl Azərbaycan Respublikasının Dövlət Himni tam versiyada səsləndiriləcək.

Bundan başqa, “Sabah”ın Çempionlar Liqasında ölkəmizi təmsil etməsi ilə əlaqədar klubun rəsmi müraciəti və “Kəpəz”in razılıq məktubu nəzərə alınıb. Peşəkar Futbol Liqası beynəlxalq arenada Azərbaycanın uğurlu təmsil olunmasını əsas götürərək bu komandalar arasında ilk və ikinci dövrədə keçiriləcək oyunların yerini dəyişib.