İlham Əliyev Bakıda beynəlxalq konfransda iştirak edib - YENİLƏNİB + FOTO/VİDEO
...
İngiltərə Premyer Liqasının XXV turunda “Mançester Yunayted” səfərdə “Liverpul”a 7:0 hesabı ilə məğlub olub.
“Fox Sports”un xəbərinə görə, “Enfild” stadionunda baş tutan qarşılaşmanın hesabı “qırmızı şeytanlar”ın tarixi antirekordunun təkrarıdır. Daha əvvəl üç dəfə 0:7 uduzan “mankunianlar” sonuncu dəfə 92 il əvvəl belə aqibətlə üzləşiblər. “Mançester Yunayted” 1931-ci ildə “Vulverhempton”a 0:7 hesabı ilə məğlub olub.
Mərkəzi matçda “Liverpul” və “Mançester Yunayted” birincilərin meydanında üz-üzə gəlib. “Enfild”də keçirilən qarşılaşma “Liverpul”un qələbəsi ilə başa çatıb - 7:0.
“Qırmızılar”In heyətində Kodi Qakpo, Darvin Nunyes və Məhəmməd Salah dubl edibsə, son qolu Roberto Firmino vurub.
Xalını 42-yə çatdıran “Liverpul” 5-ci pilləyə yüksəlib. “Mançester Yunayted” 49 xalla 3-cüdür.
Sözügedən qarşılaşma “Liverpul”un hücumçusu Məhəmməd Salah üçün də əlamətdar olub. Dubl edən misirli vinger Mersisayd təmsilçisinin çempionatda ən çox qol vuran oyunçusu adına sahib çıxıb. Premyer Liqada 129 dəfə fərqlənən Salah 128 qol vurmuş Robbi Fauleri geridə qoyub.
VIDEOhttps://baku.tv/dunyaa/liverpul-mancester-yunayted-e-7-qol-vurdu