Valyuta məzənnəsi:
19:06 "Yatanda burnunuzu çıxardın" - VİDEO  |     18:33 Kəmalənin bu hərəkəti müzakirə səbəbi oldu - VİDEO  |     18:04 Təranənin kürəkəni: "Xanımım evdə uşaqlara baxsın, müğənni olmasın” - VİDEO  |     17:30 Dubayda qızıldan hazırlanan alt paltarları satışa çıxarıldı - VİDEO  |     16:44 "Elnarə, səsin üçün ölərəm" - VİDEO  |     16:01 Xalq artistini görənlər TANIMADI - VİDEO  |     15:45 85 yaşlı amerikalını görən 65 yaşlı azərbaycanlı ŞOK YAŞADI - VİDEO  |     15:16 Azərbaycanlı aparıcı çəkilişdə QORXULU ANLAR YAŞADI - VİDEO  |     13:35 "Azərbaycan kişisinin əsas işi qadınına layiq olmaqdır" - VİDEO  |     12:49 "4 dəqiqəyə 7 min qazanıram" - VİDEO  |     11:52 Şəbnəm ilk dəfə döyülməsindən danışıb AĞLADI - VİDEO  |     10:36 "Heç bir plastik əməliyyat etdirməmişəm, mənə Jennifer Lopez deyirdilər" - VİDEO  |     10:11 "İki küpəgirən qarı" tamaşasının premyerası olacaq - FOTO  |     18:51 "Mənim üçün atam ölüb" - VİDEO  |     16:35 Bahar onunla foto çəkdirmək istəyən kişini BELƏ PƏRT ETDİ - VİDEO  |     14:15 Dubaya köçən Afaq da TİKTOKA QOŞULDU - VİDEO  |     13:16 Tacir şalvarını ələ salanların CAVABINI VERDİ - VİDEO  |     11:24 "Rüfətlə şəkil çəkdirmirəm, adamı QUCAQLAYIR" - VİDEO  |     10:35 "İnterneti çıxardan yox olsun" - VİDEO  |     09:33 "Mən axtarışda olan qadın olmamışam" - VİDEO  |    
CityNews.az » Əsas » Azərbaycanı Aİ-nin sanksiyaları ilə təhdid edən Rasmussen Ermənistanda ikiüzlü şəxsiyyət olduğunu təsdiqlədi - RƏY

Əsas / Analitika

Azərbaycanı Aİ-nin sanksiyaları ilə təhdid edən Rasmussen Ermənistanda ikiüzlü şəxsiyyət olduğunu təsdiqlədi - RƏY


"Azərbaycanı Avropa İttifaqının mümkün sanksiyaları ilə təhdid edən NATO-nun keçmiş Baş katibi Anders Foq Rasmussen Ermənistanda əsl mahiyyətini ortaya qoyaraq ikiüzlü şəxsiyyət olduğunu təsdiqlədi".

Bu fikirləri “Report”a açıqlamasında Bakı Politoloqlar Klubunun sədri, politoloq Zaur Məmmədov deyib.

Onun sözlərinə görə, Rasmussen Ermənistanda səfərdə olarkən Azərbaycanla bağlı bir sıra təxribatçı açıqlamaları ilə yadda qalıb:

"Rasmussen Azərbaycanla bağlı absurd fikirlər səsləndirib və rəsmi Bakını mümkün “qırmızı xətti” keçəcəyi təqdirdə, təhdid etməyi də unutmayıb. Xankəndi-Laçın yolu humanitar məqsədlər üçün açıq ola-ola bu yolun dərhal və şərtsiz açılmasını Azərbaycan hökumətindən tələb edən Rasmussen erməni konyakının ab-havasında qeyri-adekvatlığını bütün dünyaya bir daha təsdiqlədi".

Politoloq qeyd edib ki, NATO-nun Baş katibi olduğu zaman Bakıya səfərə gəlmək üçün illərlə qapımızı döyən Rasmussen Azərbaycanda merkantil məqsədinə çatmayacağını görərək, uzun müddətdir ermənilərlə çox dərindən əməkdaşlığa başlayıb:

"NATO-da vəzifədə olduğu dövrdə Azərbaycanı dəyərli və mühüm tərəfdaş adlandıran Rasmussen fürsət tapdıqca daima Ermənistanı müdafiə edən bəyanatları ilə seçilirdi. Misal üçün, 2012-ci ildə İrəvanda tələbələr qarşısında çıxış edərkən, Ramil Səfərovun azad olunmasını regionda sülhün yaranmasına maneə törədən addım kimi qiymətləndirmişdi. Hərçənd, Azərbaycan və Macarıstan arasında beynəlxalq qanunlar və hüquqi normalar çərçivəsində həyata keçirilən ekstradisiyanı NATO-nun Baş katibinin şərh etməsinə heç bir zəruriyyət yox idi".

Z.Məmmədov, həmçinin bildirib ki, hələ NATO-nun Baş katibi olduğu dövrdə erməni diasporası ilə sıx əlaqələrə malik olan Rasmussen öz siyasi statusundan şəxsi məqsədləri üçün istifadə etməyə başlamışdı.

"Ermənistanda Nikol Paşinyanın hakimiyyətə gəlməsindən sonra bu ölkəyə yolu açılan Rasmussen və onun arxasındakı qüvvələr Ukraynada Kremlə qarşı cəbhə açdıqdan sonra növbəti hədəflərini İrəvanda reallaşdırmaq istəyirlər. Yoxsa heç bir dövlətin və beynəlxalq təşkilatın lideri olmayan Anders Foq Rasmussen niyə İrəvana səfər etsin və səfər çərçivəsində regionun gələcək geosiyasi konfiqurasiyasına təsir edə biləcək hədəflərini açıqlasın? O, Ermənistandakı çıxışı zamanı açıq-aşkar şəkildə rəsmi İrəvana Kremldən uzaqlaşmağı və yeni “dostlar”ı bölgəyə gətirməyə çağırıb", - politoloq əlavə edib.

Z.Məmmədovun sözlərinə görə, görünən odur ki, Ermənistanın Baş naziri Nikol Paşinyan Qərbi Zəngəzurda Avropa İttifaqının xüsusi missiyasını yerləşdirdikdən sonra Qarabağa da beynəlxalq aktorları gətirmək istəyir:

"Dünən bu məsələyə toxunan Rasmussen Paşinyandan da bir qədər irəli gedərək monitorinq-müşahidəçi missiyasındansa, BMT mandatı altında sülhməramlıların daha effektiv olacağına eyham vurdu. Bütün bunlar onu deməyə əsas verir ki, biriləri bölgəni Rusiya və Qərb arasında növbəti müharibə meydanına çevirməyi hədəfləyir. Qarabağda Kosovo ssenarisini düşünənlər başa düşməlidirlər ki, onların hədəflərinə çatması mümkün olmayacaq.

Rasmussen, Paşinyan, Makron və digərlərinin məkrli planları Azərbaycan tərəfindən rədd ediləcək. Onlar unutmasınlar ki, Qarabağ beynəlxalq miqyasda Azərbaycanın tanınmış ərazisidir və heç kimin rəsmi Bakının icazəsi olmadan bölgəyə sülh adı altında hansısa missiyaları göndərməyə haqqı yoxdur. Ermənistan rəhbərliyi Soçi, Brüssel, Vaşinqton, Praqa və Münhendə üzərinə götürdüyü öhdəlikləri dərhal yerinə yetirməlidir".

"Ermənistan Baş nazirinin də imzası olan Üçtərəfli Bəyanatın pozulması, bu ölkənin Azərbaycanın sərhədlərinə hörmətsiz yanaşması, ərazimizdə hələ də erməni terrorçularının mövcudluğu rəsmi Bakıya məsələni istənilən yolla həll etməyə imkan verir. Bu gün müstəqil və suveren siyasət aparan, bölgəni hegemon qütblər arasında geosiyasi mübarizə meydanına çevirməyə mane olan, öz milli maraqlarını həyata keçirən Azərbaycan bütün maneələrə baxmayaraq, tarixi ədalətin bərpasına bundan sonra da davam edəcək, Qarabağla bağlı bütün çağırışları dəf edəcək", - politoloq deyib.