Valyuta məzənnəsi:
01:10 AVRO-2024: Fransadan heç-heçə, Ukrayna və Avstriya qalib gəldi - YENİLƏNİB  |     19:50 Netanyahunun müşaviri Ermənistanı təhdid etdi  |     18:04 Nazilə Səfərlinin başına iş gəldi - VİDEO  |     18:00 Eddi “Neftçi”-dən getdi  |     14:02 İlham Əliyev və Mehriban Əliyeva Nəbatat Bağında görülən işlərlə tanış olublar  |     14:00 Bu sürücülər 100 manat cərimə ediləcək  |     00:24 Efirdə aparıcı ilə ekspert arasında GƏRGİNLİK - VİDEO  |     17:48 Turisti geyiminə görə "Mall"-dan QOVDULAR - VİDEO  |     17:47 İlham Əliyev daxili işlər orqanları ilə bağlı iki sənədə dəyişiklik etdi  |     15:50 Mbappe üçün 1200 avroluq maska hazırlanacaq  |     15:00 Səhnədə konsert verən Dilarəni alqışlamaq əvəzinə, Sagopanı SƏHNƏYƏ ÇAĞIRDILAR - VİDEO  |     14:24 Vəli İsrafilov Paris-2024-də!  |     14:21 Türkiyə - Portuqaliya oyununu o idarə edəcək  |     13:35 Sonaxanımın bu hərəkəti QINANDI - VİDEO  |     13:23 Azərbaycan FİFA reytinqində irəlilədi  |     12:20 Gimnastlardan İtaliyada 13 medal  |     11:50 Gənc qız ona əxlaqsız təklif edən kişini belə İFŞA ETDİ - VİDEO  |     11:33 Ələkbər efirdə ginekoloqu ürək həkimi ilə SƏHV SALDI - VİDEO  |     11:15 FİFA reytinqində ilk: Azərbaycan 29-cu pillədə  |     11:07 Bu avtobusların sərnişinlərinin nəzərinə! - FOTO  |    
CityNews.az » Əsas » Azərbaycan ilə Avstriya arasında birbaşa aviareyslərə start verilib - FOTO

Əsas / Turizm

Azərbaycan ilə Avstriya arasında birbaşa aviareyslərə start verilib - FOTO


Mayın 2-də Vyana Beynəlxalq Hava Limanında Bakı-Vyana-Bakı marşrutu üzrə ilk uçuş həyata keçirən təyyarənin təntənəli qarşılanma mərasimi olub.

AZƏRTAC xəbər verir ki, Azərbaycanın Avstriyadakı səfirliyi və “Azərbaycan Hava Yolları” QSC-nin dəstəyi və Vyana Beynəlxalq Hava Limanının təşkilatçılığı ilə keçirilən mərasimdə AZAL-a məxsus təyyarə eniş zolağında ənənəvi su şırnağı ilə qarşılanıb, Bakıdan yüksəkvəzifəli rəsmi qonaqların iştirakı ilə təyyarə önündə rəmzi lent kəsilib, daha sonra mərasim media nümayəndələrinin də iştirak etdiyi rəsmi hissə ilə davam edib.

Rəsmi hissədə Azərbaycan Respublikasının xarici işlər nazirinin müavini Xələf Xələfov, Azərbaycanın Avstriyadakı səfiri Rövşən Sadıqbəyli, “Azərbaycan Hava Yolları” QSC-nin icraçı direktorunun müavini Cəmil Manizadə və Vyana Beynəlxalq Hava Limanının baş icraçı direktoru Yulian Yaqer çıxış ediblər.

Çıxışlar zamanı bildirilib ki, son 30 il ərzində Azərbaycan ilə Avstriya arasında əlaqələr qarşılıqlı anlaşma və dostluq əsasında davamlı şəkildə inkişaf edir. Paytaxt şəhərlər arasında birbaşa aviareysin açılması Azərbaycan-Avstriya münasibətlərində mühüm mərhələ olmaqla yanaşı, ölkələr arasında turizm axınını gücləndirəcək, siyasi dialoqun inkişafı, iqtisadi, mədəni və digər sahələrdə əlaqələrin genişləndirilməsinə töhfə verəcək. Avropa ilə Asiyanın kəsişmə nöqtəsində strateji mövqeyə malik Azərbaycanın Avropanın mərkəzində yerləşən Avstriya ilə hava körpüsü rolunu oynayan bu bağlantı, eyni zamanda, nəqliyyat və bağlılıq sahəsində əməkdaşlığın dərinləşməsinə imkan yaradacaq. Həmçinin qeyd edilib ki, yay mövsümü başlamadan uçuşlara start verilməsi hər iki ölkənin turizm potensialından səmərəli şəkildə istifadəsinə meydan açacaq.

Qeyd edilməlidir ki, AZAL tərəfindən birbaşa müntəzəm reyslər hər həftənin çərşənbə axşamı və cümə günləri səhər saatlarında həyata keçiriləcək. Reyslər Bakı ilə Vyana arasında sürətli və rahat uçuşu təmin edəcək.