Əsas / İdman

Konfrans Liqasında finalçılar bəlli oldular - YENİLƏNİB + VİDEO

UEFA Konfrans Liqasında ikinci finalçı “Fiorentina” olub.

İtaliya təmsilçisi yarımfinalın cavab oyununda İsveçrədə “Bazel”i məğlub etməklə həlledici oyuna vəsiqə qazanıb.

Qarşılaşmanın əsas vaxtı florensiyalıların 2:1 hesablı qələbəsi ilə başa çatıb. İlk oyunda isveçrəlilər eyni hesabla qalib gəldiyindən əlavə vaxta ehtiyac yaranıb. Burada daha bir dəfə fərqlənən “bənövşəyilər” yekunda 3:1, iki oyunun cəmində 4:3 üstün olaraq finala çıxıblar.

“Fiorentina” həlledici görüşdə İngiltərə “Vest Hem”i ilə qarşılaşacaq. İyunun 7-də keçiriləcək final oyunu Çexiyanın paytaxtı Praqadakı “Fortuna Arena”da təşkil olunacaq.

VIDEO https://baku.tv/dunyaa/fiorentina-3-qolla-finalda

01:02

UEFA Konfrans Liqasında yarımfinal mərhələsinin cavab oyunları keçirilir.

İlk finalçı İngiltərənin “Vest Hem” klubu olub.

London təmsilçisi buna yarımfinalın cavab oyununda Niderlandda “AZ Alkmaar”ı məğlub etməklə (1:0) nail olub. Yeganə qolu 90+4-cü dəqiqədə Pablo Fornals vurub.

VIDEO https://baku.tv/dunyaa/vest-hem-konfrans-liqasinin-finalinda

İlk görüşdə 2:1 üstün olan ingilislər finala yüksəliblər.

Həlledici oyuna digər vəsiqə İsveçrədə sahibini tapacaq. İtaliyada 2:1 hesabı ilə “Fiorentina”ya qalib gələn “Bazel” ev oyununda eyni hesabla uduzduğundan əlavə vaxta ehtiyac yaranıb. /Oxu.az/