Əsas / Maqazin

ÇELİKİN BAKI KONSERTİNDƏ NƏLƏR YAŞANDI? - FOTO+VIDEO

"İlk dəfə 90-cı illərdə Bakıda verdiyim konsertlə izləyicilərin qarşısına çıxdım. Tamaşaçılarınız Türkiyədəki izləyicilərdən çox fərqlənirdi. Hər kəs əllərində çiçəklər, gözəl geyimlərini geyinib gəlmişdi. Musiqi zövqləri çox yaxşı idi. Türkiyədə də bu barədə çox danışmışdım".

Bu sözləri ötən axşam paytaxt Bakıda baş tutan konserti zamanı Çelik Erişçi deyib.

CITYNEWS.AZ xəbər verir ki, “Heydər Əliyev” adına sarayda Türkiyənin məşhur sənətçisi Çelik Erişçinin solo konserti baş tutub.

Ölkənin əsas konsert arenasında səhnəyə çıxan sənətçi bir-birinin ardınca sevilən hitlərini səsləndirib.

Konsertin gedişatı zamanı tez-tez tamaşaçılarla səmimi ünsiyyətə girən müğənni, tamaşaçıların arasına gələrək onlarla zarafatlar edib və mahnıları birgə oxuyub.

Çelikin səsləndirdiyi, repertuarında olan hit mahnıları böyük alqışlarla müşayət olunub, onu dinləməyə gələn pərəstişkarlar coşqulu anlar yaşayıblar. O, "Ayrılıq" adlı mahnımızı da özünəməxsus şəkil ifa edib.

Yadda qalan məqamlardan biri isə məşhurun azərbaycanlı fanatının ona albomlarının üz qapağının fotosu və Atatürkün musiqi barədə sözləri qeyd olunan tablo hədiyyə etməsi olub.

Konsertdən olan özəl görüntüləri təqdim edirik:


TURAL HÜSEYN
MAGAZINEWS.AZ