Rekord qıran Azərbaycan idmançısı çempion oldu - YENİLƏNİB + FOTO/VİDEO

| 10-07 23:40 |

Azərbaycan para-atleti Lamiyə Vəliyeva Fransanın paytaxtı Parisdə keçirilən para-atletika üzrə dünya çempionatının qalibi olub.

Sprinter 100 metr məsafəyə qaçışın final mərhələsində bütün rəqiblərini qabaqlayıb.

L.Vəliyeva məsafəni 11,99 saniyəyə qət edərək qızıl medal qazanıb.

Bununla o, həm də Yay Paralimpiya Oyunlarına vəsiqəni təmin edib.

L.Vəliyeva, həmçinin, 400 metr məsafədə özünü sınayacaq.

Xatırladaq ki, 21 yaşlı idmançı Tokio-2020 Yay Paralimpiya Oyunlarında 100 metr məsafəyə qaçışda gümüş, 400 metrdə isə qızıl medal qazanıb.

14:16

Azərbaycan para-atleti Lamiyə Vəliyeva Fransanın paytaxtı Parisdə keçirilən para-atletika üzrə dünya çempionatına uğurlu start verib.

Sprinter 100 metr məsafəyə qaçış yarışının yarımfinal mərhələsində bütün rəqiblərini qabaqlayıb.

L.Vəliyeva məsafəni 11,89 saniyəyə qət edib. Beləliklə, o, dünya çempionatlarının rekordunu müəyyənləşdirərək finala yüksəlib.

Final qaçışı bu gün olacaq.

L.Vəliyeva, həmçinin, 400 metr məsafədə də özünü sınayacaq.

Xatırladaq ki, 21 yaşlı idmançı Tokio-2020 Yay Paralimpiya Oyunlarında 100 metr məsafəyə qaçışda gümüş, 400 metrdə isə qızıl medal qazanıb. /Oxu.Az/