Əsas / Son xəbərlər / İdman

Azərbaycan Premyer Liqasında son altı mövsümün ən məhsuldar startı

Azərbaycan Premyer Liqasının 2023/24 mövsümü məhsuldar başlayıb.

Peşəkar Futbol Liqasının yaydığı məlumata görə, I turun beş oyununda 15 qol qeydə alınıb. “Səbail” - “Sumqayıt” (1:4) və “Sabah” - “Qəbələ” (5:0) görüşlərinin hərəsində beş, “Araz-Naxçıvan” - “Turan Tovuz” (0:3) matçında üç, “Qarabağ” - “Zirə” (0:1) və “Kəpəz” - “Neftçi” (1:0) oyunlarında bir top vurulub.

İlk turda orta məhsuldarlıq 3,00-ə bərabər olub. Bu, son altı mövsüm üçün ən məhsuldar startdır. Daha yüksək göstərici sonuncu dəfə 2017/18 mövsümündə qeydə alınıb. Orta məhsuldarlığın 3,25 olduğu ilk turun dörd matçında 13 qol vurulub.

Həmin vaxt “Neftçi” - “Qarabağ” (1:3) oyununda dörd, “İnter” - “Qəbələ” (1:2), “Sumqayıt” - “Kəpəz” və “Zirə” - “Səbail” (hər ikisi 2:1) matçlarının hərəsində üç qol vurulub.