Azərbaycan çempionatının açılış mərasimi keçirilib

22:16 Ən dəyərli türkiyəli futbolçular - ADLAR | 20:45 Bu məsələdə onların əli var - Ərdoğan | 19:55 “Bu ay Azərbaycanla sülh sazişi imzalamağa hazırıq” | 18:05 Fransanın 3 klubu "Qarabağ"ın üzvünü transfer etmək istəyir | 17:09 Səma Abiyevadan maraqlı FOTOSESSİYA | 16:42 Fərid Qayıbov uğur qazanan idmançılarla görüşdü | 16:38 İncəlmək üçün qabırğa əməliyyatı keçirdi - VİDEO | 16:06 Prezident Moskvada MDB Dövlət Başçıları Şurasının iclasında iştirak edib | 15:57 Afətin oğlunun toyuna ən çox pulu bu məşhur YAZDIRIB - FOTO | 13:20 İlham Əliyevin Putinlə görüşü olub | 11:23 Babək Quliyevə UEFA-dan növbəti təyinat | 10:00 Millimizin Tallindəki məşqinin vaxtı açıqlandı | 22:05 "Sumqayıt" - "Qarabağ" matçında mövsümün REKORDU | 21:00 İran 340 İsrail əsgərini öldürüb - "Haber Türk" | 20:15 "Neftçi" Qriqorçuku GÖNDƏRDİ | 19:53 "Mən lap pis gündə olmuşam" - VİDEO | 18:31 Prezidentdən Namiq İslamzadə ilə bağlı SƏRƏNCAM | 18:00 Sumqayıt şəhər stadionuna yeni direktor təyin olundu | 16:53 İlham Əliyev Rusiyaya səfərə gedib | 16:33 Xalq artisti qardaşının ölümündən sonra ilk dəfə BELƏ GÖRÜNTÜLƏNDİ - VİDEO |

Azərbaycan çempionatının açılış mərasimi keçirilib - FOTO

| 04-12 12:20 |

Kişi boksçular arasında Azərbaycan çempionatının açılış mərasimi keçirilib.

Tədbir iştirakçı komandaların paradı ilə başlayıb.

Ardınca Azərbaycan Boks Federasiyası (ABF) prezidentinin müşaviri Samir Hüseynov çıxış edib. O bildirib ki, Paris-2024 Yay Olimpiya Oyunları öncəsi təşkil olunan çempionat böyük əhəmiyyətə malikdir: “Bu dəfə final döyüşləri tam yeni formatda və təntənəli keçiriləcək, rəsmi qonaqlar olacaq. Monteneqroda U-22-lərin Avropa çempionatında tarixi bir nəticə əldə etmişik. İlk dəfə bu yarışda 5 – 1 qızıl, 1 gümüş və 3 bürünc medal qazanmışıq. Görülən işlər və aparılan islahatlar sayəsində bu uğurun ardı gələcək”.

Hüseynov döyüşlərin ədalətli keçəcəyinə də inam ifadə edib. O qeyd edib ki, bunun üçün çempionata neytral referilər dəvət olunub: “Gələn il keçiriləcək Paris-2024 Yay Olimpiya Oyunlarına qısa bir zaman qalıb. Yığmamız artıq 2 çəkidə lisenziya əldə edib. Əminik ki, burda mübarizə aparacaq boksçulardan bir neçəsi də onlara qoşulacaqlar. İnanırıq ki, komandamız Fransadan Olimpiadalarda son 30 ildə əldə edə bilmədiyi qızıl medalla dönəcək”.

ABF rəsmisi çempionatının final günündə azarkeşləri sürprizlər gözlədiyini də deyib. O bildirib ki, ən fəal tamaşaçılar arasında seçim aparılacaq və federasiyanın xətti ilə onlardan biri gələn il İtaliyada keçiriləcək Avropa çempionatına aparılacaq. Eyni zamanda, azarkeşləri digər hədiyyələr də gözləyir.

ABF-in İdarə Heyətinin üzvü Rövşən Hüseynov və Gənclər və İdman Nazirliyinin nümayəndəsi Əliniyaz Mirzəyev yarışın əhəmiyyətindən danışıb, yarış iştirakçılarına uğurlar arzulayıblar.

Ardınca torpaqlarımızın azadlığı və bütövlüyü uğrunda canından keçmiş qəhrəman şəhidlərimizin əziz xatirəsi 1 dəqiqəlik sükutla yad edilib.

Dövlət Himni səsləndirildikdən sonra yarış açıq elan olunub.

Qeyd edək ki, Boks Mərkəzində keçirilən yarışda 13 çəki dərəcəsi üzrə mükafatçılar müəyyənləşəcək. Çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 41 komandanın 167 boksçusu qatılıb.

Çempionatda qaliblərin adına dekabrın 8-də aydınlıq gələcək. Final döyüşləri “CBC Sport” telekanalı vasitəsi ilə canlı yayımlanacaq.