Hikmət Mirzəyev Zakir Həsənovun müavini oldu

20:35 Azərbaycanlı aparıcıdan MARAQLI RƏQS - VİDEO | 20:35 Ulduz futbolçu “Çelsi”dən gedir | 20:30 Mehriban Əliyeva azərbaycanlı şahmatçı Ülviyyə Fətəliyevanı təbrik edib - FOTO | 20:11 Atasına görə efirdə göz yaşı tökdü - VİDEO | 19:15 Albaniya - Azərbaycan matçının saatı və məkanı açıqlandı | 19:08 Səmranın idman zalından paylaşımı GÜNDƏM OLDU - VİDEO | 18:36 Zeynəb kriteriyalarını SADALADI: "Boyu elə olsun ki..." - VİDEO | 18:06 Azərbaycanla Ermənistan arasında 35 sərhəd dirəyi quraşdırılıb | 17:51 Baş nazirdən su təchizatı ilə bağlı qərar | 17:44 Damlanın estetiksiz halı - VİDEO | 17:25 Stoltenberq: Ukrayna NATO-nun üzvü olacaq | 17:03 Ançelotti Ardaya görə ulduz futbolçuların üstündən xətt çəkdi | 16:53 "Mənə salam vermirlər" - VİDEO | 13:25 Bakıda yeni park salınacaq | 11:20 “Qarabağ”ın 30 oyunluq seriyası qırıldı | 18:51 Əməkdar artistin rus dilində ifası GÜNDƏM OLDU - VİDEO | 18:01 Bahar taksi sürücülərinə səsləndi: "Bunu eşidəndə çox utandım" - VİDEO | 17:30 Xalq artisti: "Damlanın dəyişimini çox alqışlayıram" - VİDEO | 17:14 Sədərəkdə PARTLAYIŞ: 2 nəfər ÖLDÜ | 17:10 Bakıda restoranda yanğın - 3 nəfər tüstüdən zəhərləndi |

Əsas / Son xəbərlər / Ordu / Cəmiyyət / Siyasət

Hikmət Mirzəyev Zakir Həsənovun müavini oldu

| 12-01 17:30 |

Müdafiə Nazirliyinin Xüsusi Təyinatlı Qüvvələrin komandanı, general-leytenant Hikmət Mirzəyev müdafiə nazirinin müavini təyin olunub.

Bu barədə Azərbaycan Prezidenti İlham Əliyev sərəncam imzalayıb.

Sərəncama əsasən, H.Mirzəyev eyni zamanda, Quru Qoşunların komandanı vəzifəsini tutacaq.

Qeyd edək ki, general-leytenant Mirzəyev Hikmət İzzət oğlu 29 fevral 1968-ci ildə Biləsuvar şəhərində anadan olub.
1989-cu ildə Bakı Ali Ümumqoşun Komandirlər Məktəbini bitirdikdən sonra SSRİ Silahlı Qüvvələri tərkibində taqım komandiri vəzifəsində xidmətə başlayıb.

1992-1998-ci illərdə Azərbaycan Respublikası Silahlı Qüvvələrində bölük, tabor, əlahiddə xüsusi təyinatlı tabor və briqada komandiri vəzifələrində xidmət edib.

1997-1998-ci illərdə Türkiyə Respublikasının Quru Qoşunları Hərbi Akademiyasında təhsil alıb.

1999-cu ildən Xüsusi Təyinatlı Qüvvələrdə xidmət edib. 2014-cü ildən isə Xüsusi Təyinatlı Qüvvələr komandanı vəzifəsinə təyin olunub.

Azərbaycan Respublikasının suverenliyi və ərazi bütövlüyü uğrunda gedən döyüş əməliyyatlarında iştirak edib.

Xidməti vəzifələrini layiqincə yerinə yetirdiyinə görə dəfələrlə müxtəlif mükafatlara, orden və medallara layiq görülüb.

Azərbaycan Respublikası Prezidentinin 01.01.1994-cü il tarixli Sərəncamı ilə "Azərbaycan Bayrağı" ordeni, 24.06.2003-cü il tarixli Sərəncamı ilə "İgidliyə görə" medalı, 21.06.2007-ci il tarixli Sərəncamı ilə "Vətən uğrunda" medalı, 24.06.2015-ci il tarixli Sərəncamı ilə 3-cü dərəcəli "Vətənə xidmətə görə" ordeni, 09.12.2020-ci il tarixli Sərəncamı ilə "Vətən Müharibəsi Qəhrəmanı" medalı, 24.12.2020-ci il tarixli Sərəncamı ilə "Cəbrayılın azad olunmasına görə" medalı, 25.12.2020-ci il tarixli Sərəncamı ilə "Füzulinin azad olunmasına görə" medalı, 29.12.2020-ci il tarixli Sərəncamı ilə "Qubadlının azad olunmasına görə" medalı, 29.12.2020-ci il tarixli Sərəncamı ilə "Şuşanın azad olunmasına görə" medalı, 29.12.2020-ci il tarixli Sərəncamı ilə "Kəlbəcərin azad olunmasına görə" medalı, 24.06.2021-ci il tarixli Sərəncamı ilə "Xocavəndin azad olunmasına görə" medalı, 07.11.2023-cü il tarixli Sərəncamı ilə "Qarabağ" ordeni ilə təltif olunub.

Ailəlidir. İki övladı var.