Valyuta məzənnəsi:
01:10 AVRO-2024: Fransadan heç-heçə, Ukrayna və Avstriya qalib gəldi - YENİLƏNİB  |     19:50 Netanyahunun müşaviri Ermənistanı təhdid etdi  |     18:04 Nazilə Səfərlinin başına iş gəldi - VİDEO  |     18:00 Eddi “Neftçi”-dən getdi  |     14:02 İlham Əliyev və Mehriban Əliyeva Nəbatat Bağında görülən işlərlə tanış olublar  |     14:00 Bu sürücülər 100 manat cərimə ediləcək  |     00:24 Efirdə aparıcı ilə ekspert arasında GƏRGİNLİK - VİDEO  |     17:48 Turisti geyiminə görə "Mall"-dan QOVDULAR - VİDEO  |     17:47 İlham Əliyev daxili işlər orqanları ilə bağlı iki sənədə dəyişiklik etdi  |     15:50 Mbappe üçün 1200 avroluq maska hazırlanacaq  |     15:00 Səhnədə konsert verən Dilarəni alqışlamaq əvəzinə, Sagopanı SƏHNƏYƏ ÇAĞIRDILAR - VİDEO  |     14:24 Vəli İsrafilov Paris-2024-də!  |     14:21 Türkiyə - Portuqaliya oyununu o idarə edəcək  |     13:35 Sonaxanımın bu hərəkəti QINANDI - VİDEO  |     13:23 Azərbaycan FİFA reytinqində irəlilədi  |     12:20 Gimnastlardan İtaliyada 13 medal  |     11:50 Gənc qız ona əxlaqsız təklif edən kişini belə İFŞA ETDİ - VİDEO  |     11:33 Ələkbər efirdə ginekoloqu ürək həkimi ilə SƏHV SALDI - VİDEO  |     11:15 FİFA reytinqində ilk: Azərbaycan 29-cu pillədə  |     11:07 Bu avtobusların sərnişinlərinin nəzərinə! - FOTO  |    
CityNews.az » Son xəbərlər » “Red Bull Car Park Drift” yarışının qalibi müəyyənləşdi - FOTO

Son xəbərlər / Maraqlı / İdman

“Red Bull Car Park Drift” yarışının qalibi müəyyənləşdi - FOTO



“Dövlət Bayrağı Meydanının dayanacağında artıq üçüncü ildir ki, keçirilən “Red Bull Car Park Drift” yarışının qalibi müəyyən oldu”.

9 iyun tarixində Dənizkənarı Bulvarda dünyanın ən həyəcanlı drift yarışlarından biri olan “Red Bull Car Park Drift”in Azərbaycan üzrə Milli finalı keçirilib. Qalib Niyaz Bədiyev, 25 ölkənin qatılacağı “Red Bull Car Park Drift”in Dünya Finalında Azərbaycanı Omanda təmsil edəcək.

16 nəfər iştirakçı arasında yarışan ötən ilki “Red Bull Car Park Drift”in qalibi Niyaz Bədiyev bu il də Milli Final mərhələsinin qalibi seçildi. O, bu ilin sonunda “Red Bull Car Park Drift”in Dünya Finalında Azərbaycanı təmsil etmək üçün Omana yola düşəcək. Həmçinin 2-ci və 3-cü yerlərin qalibləri müvafiq olaraq Elvin Xudaverdiyev, Pərviz Əzizov olub.

 Azərbaycan Avtomobil Federasiyasının, Bakı Şəhər Halqasının təşkilati dəstəyi ilə keçirilən və özünəməxsus sərt qaydalarla zəngin olan “Red Bull Car Park Drift” yarışında ən bacarıqlı 16 nəfər iştirakçı Milli Final mərhələsinə yüksəlib.

 Yarışmadan öncə yerli pilotları qaydalar və maneələr barədə təlimatlandıran küveytli drifter Ali Makhseed yarışmanın mərhələləri arasında bəzi influenserlərə “taksi gedişi” təcrübəsi yaşadıb. “Red Bull Car Park Drift” Milli Final mərhələsinin iştirakçılarını qiymətləndirmək üçün Livan, Küveyt və Mavrikidən beynəlxalq münsiflər heyəti iştirak edib. Məhz onların qiymətləndirilməsi ilə ən yüksək xal yığan iştirakçı yarışın qalibi seçilib. Qeyd edək ki, iştirakçılar driftinq bacarıqları ilə yanaşı maşınlarının görünüşü, səsi və təkərlərindən çıxan tüstünün həcminə görə də qiymətləndirilib.

“Red Bull Car Park Drift” yarışı Dənizkənarı Bulvar İdarəsinin dəstəyi ilə keçirilib. Final mükafatlandırılmasından öncə isə tədbirin xüsusi qonağı qismində tanınmış ifaçı Orxan Zeynallı öz tanınmış hitləri ilə drift trekində çıxış edib.