"Sanki, bir gün içində dörd fəsil oldu" - FOTO - VIDEO
|
05-12 19:24
|
Niyam Səlami "Karusel "-adlı yeni mahnısına olan klipinin təqdimatını keçirib.
Magazinews.Az -ın məlumatına görə, media nümayəndələrini başına yığan səbəbkar yeni işi barədə məlumat verib. Lirik janrda olan mahnının sözləri Ülviyyə Alovluya, musiqisi Hacı Nazim Məmmədova məxsusdur.
Magazinews.Az -a müsahibəsində Niyam Səlami rejissorla iş birliyindən danışıb:
"Gənc rejissorların çalışmaq həvəsi daha çoxdur. Texnologiya dövründə yaşayırlar, yaxşı anlayışları var. Ona görə belə insanlarla işləmək lazımdı. Yaşa dolmuş insanlar da gənclərlə çalışsınlar. Onlara irad trutmasınlar. Onlardan öyrəniləsi çox şey var. Mənə görə həkimdə və maşın ustasında staj önəmlidir. Rejissor, fotografda yaş önəmli deyil. Klipdəki karuseli də Omar adlı gənc fotograf mənim üçün tapıb. Onunla işlədim, gözəl nəticələr oldu. Yaxında eşitdim ki, Alov qülləsinin işıq sistemini Azərbaycanlı qurub. Çox sevindim. Bu cavanlarımızın inkişafından xəbər verir. Klipdə heç nə yoxdu belə götürəndə, ancaq hər şey var. Çəkiliş heyəti mənim fikrimi tamamladı. Klipdə süjet xətti də edə bilərdim. Çox fikirlər var idi. Bütün fikrlərimi rejissorla bölüşdüm. Komanda bizə tapşırın dedi. İstədiyimi ala bildim. Çəkiliş günü dörd dəfə hava dəyişdi. Yağış da oldu, gün də çıxdı. Sanki bir gün içində dörd fəsil oldu. Ekran işinin ərsəyə gəlməsində komandamda olan digər insanların da yardımı oldu. Yaxşı nə varsa, onun üçün çalışacağıma söz verirəm. Son dörd-beş ildə insanları sevməyə başlamışam. Yalandan tamamilə uzaqlaşmışam."
Mahnının musiqi müəllifi bəstəkar-müğənni Nazim Məmmədov yeni işlərindən söz açıb:
"Mahnı yazanda kiməsə görə yox, öz qəlbimdən keçən melodiyanı yazıram. Niyam iki-üç mahnıya qulaq asdı. Seçim isə bu mahnıda qaldı. Tutarlı olmasını istəyirik. Niyamın repertuarında uğurlu mahnılardan olmasını arzu edirəm."
Qeyd edək ki, media nümayəndələri tərəfindən bəyənilə qarşılanan ekran işinin rejissoru Etibar Məmmədovdur. Montaj işləri isə Elvin İmanova məxsusdur.